ليلة القدر

ليلة القدر … خير من ألف شهر

ليلة القدر هي ليلة من أعظم الليالي، وهي الليلة اللي نزل فيها القرآن الكريم على النبي محمد صلى الله عليه وسلم. الليلة دي فرصة عظيمة لكل واحد فينا، لأن الله سبحانه وتعالى بيقول في القرآن:

“إِنَّا أَنزَلْنَاهُ فِي لَيْلَةِ الْقَدْرِ وَمَا أَدْرَاكَ مَا لَيْلَةُ الْقَدْرِ لَيْلَةُ الْقَدْرِ خَيْرٌ مِّنْ أَلْفِ شَهْرٍ” (القدر: 1-3(

يعني الليلة دي أفضل من ألف شهر! وكل لحظة فيها تقدر تغير حياتك للأفضل لو استغليتها صح.

إزاي نغتنم ليلة القدر؟

الليلة دي مش بس ليلة للدعاء، دي فرصة لينا نتقرب فيها من ربنا أكتر، عشان كده لازم نغتنمها بأحسن طريقة. في كذا حاجة ممكن نعملها في ليلة القدر:

القيام والصلاة: الصلاة في ليلة القدر ليها فضل كبير.

الدعاء: خلي لسانك رطب بالدعاء، واطلبى من ربنا كل ما تتمنى.

قراءة القرآن: استغلي الوقت ده في تلاوة القرآن لأن أجره بيكون أكبر.

الصدقة: لو عندك حاجة تقدرى تتصدقى بيها، خليها في الليلة دي عشان ربنا يضاعف لك الأجر.

متى ليلة القدر؟

ليلة القدر بتيجي في العشر الأواخر من رمضان، وتحديدًا في الليالي الفردية زي (21، 23، 25، 27، 29). عشان كده مهم إننا نكون مستعدين في الليالي دي، ونزيد عبادتنا.

إزاي نستفيد أكتر من ليلة القدر؟

النية الصافية: خلي قلبك طاهر، والنية بتاعتك تكون خالصة لله.

التوبة: لو في حاجة بتثقل قلبك، اغتنم الفرصة دي واطلب من ربنا المغفرة.

الذكر والتسبيح: خلي لسانك مشغول بذكر الله طوال الليل.

ليلة القدر مش مجرد ليلة عادية، هي فرصة لا تعوض، ولو استغلناها صح هنخرج منها واحنا أقرب لربنا، ونحس بالسلام الداخلي. اغتنمي الفرصة دي في رمضان، لأن خيرها ما يتعوضش.