العيد مش “أوتفيت”.. العيد اختبار صغير!
كل الناس بتتكلم عن لبس العيد، خروجات العيد، لحمة العيد…
بس قليل اللي بياخد خطوة ويفكر:
هو العيد دا فعلًا جاي يفرّحني؟ ولا جاي يختبرني؟
آه والله…
العيد، من غير ما نحس، بيكشف حاجات جوانا.
● بيكشف علاقتك بربنا:
بعد ما خلصنا رمضان… هل لسه بتصلي في وقتها؟
هل لسه قلبك بيدق لما تسمعي “الله أكبر الله أكبر لا إله إلا الله”؟
● بيكشف علاقتك بأهلك:
هل بتسألي على قرايبك؟ بتقولي “كل سنة وانتوا طيبين”؟
ولا العيد عندك يعني خروجة وسيلفي وstory وخلاص؟
● وبيكشف علاقتك بنفسك:
بتفرحي بالحلال؟
ولا لسه بتحسي إنك مش “كول” كفاية إلا لو قلّدتي اللي حواليكي؟
بتختاري لبسك عشان انتي مرتاحة فيه؟ ولا عشان الناس عاجبها؟
العيد اختبار صغير…
بس بيقول عننا كتير.
🎈 فكرّي العيد الجاي تعيشيه بشكل مختلف:
افردي سجادة الصلاة وصلي ركعتين قبل ما تنزلي.
ابعتي مسچ لأختك اللي مخاصماها.
خدي نيتك في لبسك… مش عشان الناس، عشان ربنا.
وصدقيني…
الفرحة اللي هتعيشيها وقتها، هتبقى أنضف وأحلى بكتير من أي لبس جديد.
كل عيد وانتي أنضج… وأقرب ♥
مش بس للي حواليكي، لكن لنفسك، وللي خلقك.
اخر الاخبار
