الستر مش لحظة… الستر رحلة

فيه بنات بدأت تلبس اللبس الشرعي فجأة،
وفيه بنات مشيتها كانت خطوة خطوة،
وفيه بنات نفسها تلبس شرعي… بس مش عارفة تبدأ منين.

وأيًا كانت المرحلة اللي إنتِ فيها،
افهمي ده: الستر مش سباق
واللبس الشرعي مش نسخة واحدة تنفع الكل.

ماتقارنيش نفسك بحد.
قرار الحجاب أو الستر الكامل أوقات بيكون تحدي كبير…
بس كمان، مع الوقت… بيبقى أمان وراحة نفسية وحب من جوه القلب.

ابدئي زي ما تقدري،
خدي خطوة واحدة بس… حتى لو بسيطة.
خلي نيتك لله، وربنا هيسهّل الباقي، وهيباركلك في كل تفصيلة.

ما تسمعيش اللي يقولك:
“كده شكلك مش لايق”، أو “اللبس الشرعي مش ستايلك”.
لأن الستر مش شكل… الستر روح
وكل روح صادقة، ربنا بيهديها لطريقها في الوقت الصح.

فـ لو لسه مش عارفة تبدأي منين…
ابدئي من نيتك، من دعوة، من قطعة واحدة تغطي وتريحك.
وأوعي توقفي 💛