أنا كنت بلبس شرعي… بس مكنتش شايفة نفسي فيه

كنت فاكرة إن اللبس الشرعي “بيعزلني”.
بيخبّي ملامحي، بيقلل من أنوثتي، بيحطني في قالب مش شبهي…
لحد ما اكتشفت إني أنا اللي مش كنت شايفة نفسي بوضوح.

الحجاب مش مجرد طبقة قماش.
هو مرآة… بتوريني قد إيه أنا عظيمة لما أختار رضا ربنا على رضا الناس.

في وقت كانت السوشيال ميديا كلها بتقول “عبّري عن نفسك”،
أنا لقيت التعبير الحقيقي في إني ألبس باحترام، وأمشي بثقة، وأختار الستر اللي يليق بمقام بنت مسلمة.

مع الوقت، بدأت ألاقي ستايلي، ألواني، التفاصيل اللي تخليني مرتاحة وفي نفس الوقت محتشمة.
واكتشفت إن اللبس الشرعي مش بيمحي أنوثتي… ده بيكرّمها.

أيوه… ممكن تلبسي واسع وأنيق.
ممكن تبقي ملتزمة وعندك ذوق عالي.
ممكن تلبسي شرعي وتحسي إنك ملكة… مش مجرد “ملتزمة”.

دي مش رحلة سهلة، بسها تستحق.
ولو لسه في بالك سؤال: “هل الشرعي يناسبني؟”
فـ هاقولك: هو مش بس يناسبك… هو بيظهرك بأجمل نسخة من نفسك.
بس اختاريه بقلبك، مش بس بخوفك.